مـ ـجـ ـمـ ــ ـوعـ ـة قـ ـصـ ـآيـ ــ ـد

الفرحة

يا ناس من الفرحة ودي أطير..
يا ناس خلي أقبل ويا عساه بخير..
ودي أعبر له عن الشوق تعبير..
ودي أرتبله حروف الود بأحلى شعر..
يا عساني ما خليت ويا عسى عمره دهور..
ويا عسى المولى الكريم يحفظه من كل شر..
فرحتي ما تنوصف ولو أكتب من الاول للأخير..
معاني الحب بها يصدق خفوقي بالمشاعر..
شفته وودي كل الكون ذا يظلم لأن وجهه يشع بالنور..
وضيا عينه هو الحاضر هو البشرى وكل العالم به ينور...
ألا يا حظي العاثر تحقق باللقا سعدك والسرور..
ألا يا موج البحر إهدى ترا العاطفة باتت تثور..
المشاعر جوها رايق والسعادة والأمل والسرور..
يا طيور الأماني غردي بأحلى لحن وأحلى شعور..
رجع لي حبيبي وحامل معه الأمل باللقا الدايم من بعد غيبة شهور..
أمانة يا سامعين تلاطم أمواج موجي في بحر غبته در مكنون..
إدعو لنا بالسعادة وإلتمام الشمل والدرب الميسور..
ويحفظ لنا كل غايب ويرده لأهله سالم ومسرور..
وهذي تحياتي بباقة شوق ووله وحب مجنون..
أقدمها لأغلى الناس وأطيب قلب وأغلى عيون بهالكون..
وإسمحولي يا حاظرين إن كان فقولي شي منقود..
الله يسدد الخطا.. ويسعد قلب كله عطا.. ويرحم كل من سخا..
ويبارك لكل من رضا.. ويفرح كل أم وكل أب بالضنا.. ويكرم كل سائل وكل من عانا..



عنا البعد

آه يا ويل حالي من عنا البعد..
ضاق صدري بانتظار حلو الوعد..
كل يوم أمني القلب بالسعد..
وهو صابر على قسوة الأيام للأبد..
محروم من خله لي سافر عنه لبعيد..
كاظم حزنه بقلبه وساكت خايف عليه أكيد..
قلبي يحبه ومغرم به الله يعطيه العمر المديد..
حبه سطى بالروح وسرى لين الوريد..
سافر حبيبي ويا ترى متى بيعود..
يا ترا إلي يسافر حظه مثل الذي يدق العود!!!
وا حسرتي ضاع فكري والألم خيم على جنح الليل البهيم..
وإغرورقت عيناي حزناً على فرقاه ويا كثر الأسئلة..
متى بتعود؟؟ كان أول سؤال من بين تلك الأسئلة..
كان أهم من المهم إني أعرف رجعته بالضبط متى بتكون..
لأزين له أيامي وأزين فرحتي بورود..
وأعطر إلي بقى من عمري الوردي إبخور وعود..
وأعيد أذكر ليالي الأنس بذاك البيت العود..
يوم كنا أنا وياه والهوى يداعب مشاعرنا..
مرة يحركها يمين ومرة يحركها شمال..
وضعنا مع التيار لين ما وصلنا لبر الأمان..
هنيه في هالمكان كان أول لقاء..
وهنيه تلعثم اللسان وسكت ولم يعبر بكلمة للآن
لأنه حان وقت الأذان فهيا إلى الجنان



هلا
هلا بإلي عيونه تنتظر شوفي....
هلا يا فتنة العالم .. هلا يا نور كل هالكون..
أنا محتاج لك جداً.. أنا محتاج لك محتاج..
أضيع كلي أنا بدونك.. عساني ما إنحرم منك..
ومن عطفك.. ومن عونك يا بعد كل من كان..
دريت يا عمري الأول بإنك أول أحلامي..
أردد لك هلا مليون بك مرحب هلا بك يا شيخ كل هالناس..
طعم هالدنيا ذا يحلا إذا مريت على بابي..
تدق الباب وأسمع لك تناديني حياتي وينك أنا مشتاق..
حياتي تفضل ترا البيت بيتك بلا إستئذان...
إنته بنيت هالبيت بحبك لي وبعد كل ها تستئذن!!!
كنت أنا بدونك ولا شي.. وصرت شي من الأشياء..
أنا ودي أرتب لك حروف العشق لك أبيات...وأسطرها..
لجل عينك يا ضي العين.. لجل همسك بنص الليل..
لجل حبنا يبقى ويتجدد فكل لحظة..
نعيش بعالم ثاني بدون محدن يشاركنا..
غناتي لك تحياتي أرسلها لك بجنح الليل..
وأهنيك بقدوم الشهر شهر الخير..
رمضان يا شهر كريم كل الخير بقدومك..
أفراح قلبي وقلبه بندعي لين تتحقق..
الله كريم ويكرم الناس بالخير يا وجه الخير..
تفضل هاك عيوني بتشوف صورتك فيها..
ويش بإيدي إذا عيني إختارت غاليها...


ولهان



من يوم ما شفتك وأنا ميت فيك..
من يوم ناظرتك وأنا ولهان..
أحس الكون يضحك لي وأجيلك..
طاير من الفرحة لأجل عيون خلان..
أبي أسهر مع طيفك..
وأبي أحلم وأنا سهران..
أبي أكتب على صدرك...
حروف إسمي وبالعنوان..
أبي أرسم على الرملة ملامح صورتك..
أبي نحكي سوالفنا وطيور الشوق تسمعنا..
ألا يا سارين بالليل وضو البدر ينورنا..
خذ الأشواق لنور العين وقله تراك توحشنا..
أمانة وصل الأشواق وباقة ورد وريحانا..
عطر الشوق إهديله وكل الحب وحنانه..
حبيب العمر ومراده حياة الروح وكيانه..
دير بالك على روحك وخل الروح ولهانة..
تكرم لو تجي شوي تخلي العين تشوف العين..
تناظر هالوله فيها وتشوف شقد ولهانة..
يمر اليوم تلو اليوم ولحدن ياب طاريكم..
نغوص بغبة بحور موانيها شواطيكم..
ندور لولو ومحار نصارح موج غيبتكم..
نعيش أيام غيبتكم نذكر حلو لياليكم..
نحب الموج يوم يهدى ويسامر كل ما فيكم..
نحبكم ونعشق هواكم وصوت الموج موسيقي..
إذا منكم سمعنا همس وشكل الكون رومانسي..
حياتي هذا نظم شعري إذا منك بغيت الرد..
تكرم رد ع مرسولي بكلمة ود وباقة ورد..


يا رب

يا رب يا سامع دعائي..
يا خالق الإنسان من طين..
أدعوك من خافي ضميري..
دعاء عبد محتاج لمعين..
يا إله العرش يا عالي..
إرحم ضعيف مستعين..
إقبل صلاتي مع صيامي..
إقبل سجودي كل حين..
أهديك شكري وإمتناني..
يا إلهي يا إلهي يا معين..
شهر الرحمة والصيامي..
كل سنة يطل علينا ويبان..
محلاة ومحلا ذيك الليالي..
فيها السهر وفيها السمر مع الجيران..
أختم كلامي والقصيدي..
بدعاء لرب العباد..
يعل الشهر علينا يعودي..
بالفرح والخير في كل عام..
نبقى ويبقى الجازي شامخ عالي..
ويبقى كل عضو فيه بسلام..
حنا أخوتنا حقيقية ما يخالطها غبار..
حنا علاقتنا قوية ما يفرقنا عيار..
نظل نحب ونهوى ما يهزنا تيار..
يعل الفرح والخير يعم الجازي والأطيار..
أهديكم كل حبي والأشعار..
باقة ورد جوري مليانة حب مليانة أزهار..



هايم بحبك

هايم أنا بحبك هيام..
وا عذاب القلب يا سيدي..
من سنين ألعي وأجادل بالكلام..
لوعتي زادت أنا محتاجة لطبيبي..
وا عذاب العين لي تنظر رحيلك والسلام..
تنظر عيونك لي بها من شوق وحنيني..
تبعث الأشواق والحب والوئام..
من طرف ناعس خجول مستحي..
يوم تهمس لي بأحلى الكلام..
تلتقي النظرات والكلمة تعوم..
تسبح بأمواج عشقك والهيام..
عاشقين وبحرنا واسع ممتلي..
حبنا يا ناس أكبر مالكلام ..
حبنا يا ناس أصله عربي..
وحنا العرب نحب بصادق الإحساس..
نضحي بعيوننا وبنبض القلب والأنفاس..
إيه نعم نهوى ونحب ونعم نشتاق..
بس الخجل يا صاحبي بعد مطلوب..
تستاهل الحب كله وفوقه ود وإحترام..
أرخص عيوني وقلبي وكل وجداني..
أنا بنت العرب ما أنسى إني فيوم حبيتك..
سكن حبك ونبض قلبك بقلبي وعليتك..
من كثر حبي لك نفسي تسألك..
في حب بهالزمن مثل حبها لك..
جاوبها قال لا مستحيل ينوجد مثل معشوقتي حد..


الهوى والروح

الهوى والروح ونبض القلب إنت..
وين أسافر وين أروح في قلبي إنت..
يا هوى بالي ويا بعد مالي إنت..
كل ما فكرت أفكر فيك إنت..


الحنين
كلما حنيت حنيت لقربك والثواني..
إلي في قربك الله مأروعها..
تدري حبيبي لو هالثواني إدوووووووووم..
كل وااحد مننا بيقول يا ريتها إدوووووووووم ..
بعد وبعد وبعد وتصبح ليالي سااهرة..
من طولها نلقى القمر يسهر معانا والنجوم..
في ليلة ما بها إلا همسك حبيبي والعيون..
إلي تناظرني أنا والشعر إلي يغطينا سوى من عيون الناس..
الله يا حبيبي الناس تقول ياالله هالليل ما أطوله..
وأنا أقول هو توه الليل بأوله.. وإنت تقول بعدنا في حزة مغيب الشمس..
الله ما أروع إحساسك حبيبي ياإلي بقربي أسمع نبضات قلبك يوم تحكي.. وتسولف لي عن بدايات حبك لي.. يوم كنا تونا في أول العمر الوردي.. لما كنت أنا معاك ..نلعب ونضحك ونشتكي.. لبعضنا منهو إلي زعلك أرووووح وأزعله.. منهو إلي كدر خاطر حبيبي وأروووح وأخاصمه..
الله محلاها من أيام كانت مثل الأحلام.. مرت بسرعة هايلة.. بس تراها عالبال راسية مثل السفن ترسي بموانيها..
حبيبي إسمك حبيبي ليش هالناس مستغربة.. وحدك أسميك الحبيب وإنت لعوقي بس الطبيب..يا حبيبي تبي بعد مرة تسمعها.. أنا ما أملها..
صدقني يا حبيبي يا نبض قلبي..إذكر لا تكون ناسي يا بعد ناسي

حبي الأول..

ليش يا حبي الأول..
ليش تهجر ولا تسأل..
يعني مرتاح بغيابي..
وإلا ما همك عذابي..
ليش حتى لو تزعل..
تقسى علي وترحل..
حتى الفكر فيك إنشغل..
ودار الحكي وإنفعل..
كل إحساس الهوى والجمل..
إجتمع لك بكلمة أحبك وسأل..
عن حبي العذري عن أحلام الطفولة والبراءة والقُبل..
دارت أحاديث الهوى بيني وبينه وإكتمل..
إلتم شمل الأحبة من بعد طول الأمل..
وسألته كيف تقوى عني ترحل؟؟
سؤال أريد له الحل..

شمعة الجلاس

ألا يا شمعة الجلاس... ألا نور الأعياني..
ألا يا منور الدنيا ببسمة تنير الأكواني..
قصايد حب أرتبها وأهديها من أيامي....
كتبها خاطر عاشق تراب بلادك الغالي..
إنت كل الحب والله .. أنت يا سعدي وهناي..
كلما شفتك بعيني ..بخفايا الروح أحتويتك في هواي..
غالي حبه تجاوز كل غالي.. ياإلي سكنت الأعالي فوق فوق بسماي..
يا حبيبي يا أغلى أمنياتي.. تدري إن غيابك هو سر شقاي..
لو دريت ما دريت ما بتتعمد جفاي..أنا أدري إن حبك تمكن في حشاي..
وأدري إنه في حشاك مخفاي. بس قولي يا ضناي.يا عسى اللقيا سناي..
حبيتك من أقصى الضمير وياي.. وخفيتك بثنايا الروح يا مناي..
وأهديتك لحون الشعر.. لحنها قطار العمر بلحن الناي..

المتيم

أنا المتيم في هواك..
أنا ضنينك جان تدري..
عرفتني وإلا تجاهلت..
حسي ورسمي والكتابات..
أنا الذي بالدم أفداك..
روحي وترخص لجل عيناك..
أنا إلذي مطلوبي رضاك..
بس وين تنفع مناداتك ورجواك..
دخيلك يا بعد هالروح ترجع..
ورجع لي أحلى الذكريات..
ما عاد تنفع كلمة أحبك..
وما عاد تنفع كلمة غلاك..
ليش العناد والتغلي..
ليش الدلع وهالتجافي..
ترضى ضميرك يوم تزعل..
وتخلي حبيبك هو يعاني!!
مرتاح يعني يوم تهجر..
وتخلي دموعي فإنسكابي..
الله يحفظك لو علي تزعل..
دعواتي لك في صلاتي..
خل إلذي في القلب بالقلب..
لا تفتح جروح دامياتي..
صحيح الجرح بعده ما إندمل..
لا لا ما ظنتي بيطيب بلحظاتي..
بس أرجوك عني لا ترحل..
لا تخلي القلب بعدك يعاني..
رد لي روحي بردتك..
رجوعك بيرد لي في الجسم روحي..
أنا بانتظارك يا بعد هالعين وهالقلب..

وين إنت

وين إنت يا إلي حرمت عيني من النوم..
وين إنت يا إلي غبت ولا درينا عن علومك..
تاهت الخطوة... وضاقت النسمة..بكونك..
وحارت الكلمة من بين الشفايف تبي عونك..
تبي تسأل تبي نظرة حنان وحب وحنينك..
تبي عطف وأمان.. تبي إتحس إن الحياة بخير..
ألا يا هاجري إقرب.. تفضل.. إجلس.. تربع في خفايا الروح وإسكن..
لك في الخفايا منزل عالي وقصر مشيد..
يكفيك غيبة ويكفيني عذاب..
يكفيك سفر.. بسك تعال..
يا شمعة الجلاس... ويا كل هالناس..
تعال جنبي.. مشتاقلك حيل..
مشتاق أسولف لك.. ونشرب القهوة بالهيل..
ونحكي حكايا .. ونسمع مواويل .. ونسهر مع ضو القمر الرحال..
ألا يا هاجري .. ألا يا بعد ناسي.. إذا نويت ترحل خبرني..
بقولك فمان إلي عطاك كل طيب الكون فماالله..
ودعتك الرحمن.. يحفظك من كل شي كان.. من عيون الإنس والجان..

أنا الحاير..
............ عرفتيني..؟؟؟

أنا المجروح

............... والبكاي

.......................... والضامي..

أنا لحظة عشق عذري..

أنا المنسي.. ذكرتيني.. ؟؟

يا ذيك ايام.. ما أنسى..

ذكرتي .. يوم عفتيني..؟؟

تركتيني وسط رمضا.. ذبحتيني.. ؟؟

ذكرتي يوم .. غيبني القدر يومين.. وش قلتي ؟؟

(هواك انت الوحيد اللي في قلبي..

لا تجافيني )

ذكرتي يوم قلتي لي: ( أحبك .. ما غلا عمري ؟؟ )

أقول .. الــــــــــــاــــــــــــــــــــه يالدنيــــــــــــــــــــــــــا ..

الله يالدنيا..

نسيتيني ؟؟

نسيتي ايامنا الحلوة .. ؟؟

نسيتي اطباع تجمعنا..؟؟ قصايد حب نغنيها ؟؟ ‍‍

( تساهرنا .. تسامرنا..

تهادينا عطر وورود ..

تعاطينا قبل ووعود ..

والأحضان تجمعنا.. )

أنا .. ما انسى..

أنا ادري كان مو بيدك..

انا ادري بالزمن ضدك..

تراهم صادروا حرفك ..

عسى ربي لك .. يعينك..

لكن .. كان بامكانك..

توافيني.. تداويني..

تواسي جرحي الدامي..

أنا الحاير..

ذكــــــــرتــــــيــــــــنــــي .. ؟؟


قالوا ترى بالامـْسيه فيه جمهور

قلت البلى هو يقبل الشعـْـر منـّـي


قالوا تخاطر .. ليه ما أنته بمجبور

قلت المخاطر طبع من صغـْر سنـّي


قالوا ولو يمكن يقولون مغرور

قلت الغرور أبعد من الشمس عنـّـي


قالوا و صوتك ما يساعدْك بظهور

قلت إمـْـسيه ما نيب طالع أغنـّـي


قالوا طموحك ودّك إتصير مشهور

قلت إمـْـنيه و آنا كثير التمنـّـي


قالوا قصيدك فيه ضعف و به إقصور

قلت القصيد إفنون و العشق فنـّـي


يكفي قصيدي كله إحساس و إشعور

طالع من الخاطر و لا به تجنـّـي


أكتب قصايد حب عاشق و مقهور

من قلبه اللي في غرامه يونـّـي


و لو إمتلى كل المدرّج بجمهور

ترى الحضور إعيال ديره و منـّـي

أنا كلي على بعضي قضية حب منسية
ابد ما اتحمل النكران ... ولا اتقبل بعد .. تأجيل

طبيعيــــة بكل مابي واحاسيسي .. طبيعية
وأولها كحل عيني .. من دموع السهر ... والليل !!!

وجرحي من أعز الناس شلته عن حسن نية
وصنت الجرح واللوعات ... بالكتمان ... والتضليل

نعم ...أكتب قصايد حب .. لو تدرون .. وهمية
عشقت الحلم .. لأجل الحلم كان الشرح والتأويل

أنا عندي أمل واحد ....وامانيّ حقــيــقيـــــة
يجي فارس ويخطفني على صهوة رياح وخيل

ويكتبني قصيدة ... للهوى ... بحروف سحرية
بـليــلة حـب ارددها على ريحة بخــور ...وهيـــل!!

متى تستأنف الواقع قضية حب منسية ؟

أنا ما اتحمل النكران ....ولا أقبل أبد... تأجــيـل